काठमाडौं । नेपालका प्रतिष्ठित पर्यटन व्यवसायी श्यामबहादुर पाण्डेको आज बिहान ११ बजे ९० वर्षको उमेरमा निधन भयो । उहाँका दुई छोरा प्रसिद्धबहादुर पाण्डे र प्रविणबहादुर पाण्डे छन् भने एक छोरी छन् ।
लामो समयदेखि अस्वस्थ रहनुभएका पाण्डेलाई केही दिन अगाडि ग्राण्डी अस्पतालमा उपचारार्थ भर्ना गरिएकामा उपचारका क्रममा निधन भएको थियो । उहाँको पार्थिव शरीरलाई श्रद्धाञ्जलिका लागि १ बजेदेखि ३ बजेसम्म वसुन्धारा निवासमा राखिने छ । त्यसपछि आजै ३ बजेपछि उहाँको पार्थिव शरीरलाई अन्त्येष्टिका लागि पशुपति आर्यघाट लैजाने कुरा पारिवारिक स्रोतले जानकारी दिएको छ ।
स्वर्गीय पाण्डे होटल सांग्रिलाका संस्थापक अध्यक्ष हुनुहुन्थ्यो । पाण्डेको निधनले नेपालको पर्यटन क्षेत्रले एउटा कुशल अभिभावक गुमाएको छ । नेपालको पर्यटन क्षेत्रमा ठूलो योगदान दिनुभएका पाण्डेले काठमाडौं लाजिम्पाट, पोखरा, चितवनमा पनि तारे होटल स्थापना गरेर पर्यटकहरुलाई सेवा पु¥याउनुभएको थियो ।
होटल एशोसिएसन नेपालको समेत पूर्वअध्यक्ष हुनुभएका पाण्डे धेरै अन्तर्राष्ट्रिय पुरस्कारबाट पुरस्कृत हुनुभएको छ ।
