एजेन्सी । इजरायल र लेबनानको विवादित क्षेत्र गोलान हाइट्सस्थित एक फुटबल मैदानमा रकेट आक्रमण हुँदा १३ जनाको मृत्यु भएको छ ।
इजरायलको कब्जामा रहेको उक्त क्षेत्रमा बालबालिकाले फुटबल खेलिरहेको समयमा रकट प्रहार भएको थियो । बीबीसीका अनुसार १२ बालबालिका र एक जना किशोरको मृत्यु भएको हो । १० जनाबढी घाइते भएका छन् ।
इजरायली सेनाले लेबनानी आतंकवादी समूह हिजबुल्लाहले रकेट प्रहार गरेको आरोप लगाएको छ । तर, हिजबुल्लाह समूहले भने यो आरोप अस्वीकार गरेको छ । इजरायलका प्रधानमन्त्री बेन्जामिन नेतान्याहुले यस हमलाको निन्दा गर्दै आक्रमणकारीले यसको ठूलो मूल्य चुकाउनु पर्ने चेतावनी दिएका छन् ।
यो आक्रमणपछि इजरायल र हिजबुल्लाहबीच प्रत्यक्ष युद्ध हुनसक्ने अनुमान गरिएको छ । गत वर्ष अक्टोबरमा इजरायल–गाजा युद्ध सुरु भएदेखि इजरायली सेना र हिजबुल्लाहबीच लगातार गोली हानाहान भइरहेको छ ।
