काठमाडौं । प्रहरीले काठमाडौं महानगरपालिका–४ चुनदेबीबाट जुवातास खेलेको आरोपमा ९ जनालाई पक्राउ गरेको छ ।
सोमबार साँझ जिल्ला प्रहरी परिसर काठमाडौं र प्रहरी वृत्त महाराजगञ्जबाट खटिएको टोलीले चुनदेवीस्थित यमकुमारी आलेको घरमा जुवातास खेलिरहेको अवस्थामा पक्राउ गरेको हो ।
पक्राउ पर्नेहरुमा बूढानीलकण्ठ नगरपालिका–५ बस्ने करिब देउला, सिन्धुपाल्चोकका अशोक लामा, ताप्लेजुङका नारायण लाबुङ, काठमाडौं बसन्तपुरका निलेश महर्जन, काठमाडौंकै राजेश श्रेष्ठ, बुढानिकण्ठकी सरिता देउला, डल्लुका ४८ वर्षीय दीपक महर्जन, कालिमाटीका ४८ वर्षीय विवेक महर्जन र डल्लुकै प्रकाश शाही छन् ।
उनीहरुको साथबाट १० लाख ११ हजार रुपैयाँ, जुवा खेल्न प्रयोग भएको १३ वटा ओखर समेत बरामद गरिएको परिसरका एसपी तथा प्रवक्ता नवराज अधिकारीले बताए ।
