काठमाडौं । नेशनल लाइफ इन्स्योरेन्स कम्पनीले राजधानीको सोल्टी होटलमा नेशनल लाइफ गाला कन्सर्ट सम्पन्न गरेको छ ।
कम्पनीले ०८१ जेठ महिनामा जारी गरेको मासिक योजना अनुरुप उत्कृष्ट कार्य गरी तोकिएको लक्ष्य पुरा गर्न सफल अभिकर्ताहरु सहित कम्पनीका उपप्रमुख कार्यकारी अधिकृत, विभागीय प्रमुखहरु र विभिन्न शाखाका शाखा प्रमुखहरु गरी करिब ३०० जनाको उक्त कन्सर्टमा सहभागिता रहेको थियो ।
कन्सर्टमा कलाकार सन्दिप क्षेत्रीको प्रहसन सहित नेपालका चर्चित कलाकारहरु प्रमोद खरेल, मेलिना राई र हेमन्त शर्मा को बेजोड साङ्गीतिक प्रस्तुती रहेको थियो । यस्तै डि.जे. डिजे नानीको प्रस्तुतीमा उपस्थित अभिकर्ताहरुले भरपुर मनोरञ्जन लिएका थिए ।
गाला कन्सर्टमा कम्पनीका उप कार्यकारी अधिकृतले नेशनल लाइफले सदा झैं अभिकर्ताहरुको चाहनालाई मध्यनजर गर्दै विभिन्न योजनाहरु ल्याउने क्रममा गाला कन्सर्टको अवधारणा ल्याइएको र यस योजनालाई देशै भरीका अभिकर्ताहरुले उत्साहका साथ मनन गरेको हुनाले नै योजना सफल भएको बताए ।
