काठमाडौं । जारी पेरिस ओलम्पिकमा नेपालको तर्फबाट प्रतिस्पर्धा गरिरहेका प्रिन्स दाहालले आज समूह चरणको अन्तिम खेल खेल्दैछन् ।
समूह पी मा रहेका ब्याडमिन्टन खेलाडी प्रिन्सले इजरायलका मिसा जिल्बरम्यानसँग आज खेल्ने भएका हुन् । यसअघि समूहको दुवै खेलमा पराजित भएका प्रिन्सका लागि आजको खेलको प्रतिष्ठाको खेल समेत हुनेछ ।
पहिलो पटक ओलम्पिक खेलिरहेका उनी पहिलो जितसहित ओलम्पिक यात्रा सकाउने लक्ष्यमा छन् । प्रिन्स विश्व वरियताको १७२औं स्थानमा छ भने मिसा ५८औं स्थानमा छ । यसअघि प्रिन्स विश्वकप नम्बर दुई भिक्टोर एक्सेल्सन रएनहात गुएनसँग २–० ले पराजित भएका थिए ।
