काठमाडौं । कारले मोटरसाइकललाई ठक्कर दिँदा चितवनमा एक जनाको मृत्यु भएको छ । गएराति भरतपुर–१ पोखरा बसपार्कबाट रामनगरतर्फ जाँदै गरेको कारले विपरीत दिशाबाट आइरहेको मोटरसाइकललाई ठक्कर दिँदा एक जनाको मृत्यु भएको हो ।
मृत्यु हुनेमा नम्बर २ विपद व्यवस्थापन गण रसौली ब्यारेक चितवनमा कार्यरत सैनिक जवान तनहुँको भानु नगरपालिका १२ घर भएका २७ वर्षीय निगम नेपाली सार्की रहेका छन् । दुर्घटनामा तनहुँको बन्दिपुर–३ घर भएका २६ वर्षीय दिनेश थापा गम्भीर घाइते भएका छन् । उनको नयाँ मेडिकल कलेज भरतपुरमा उपचार भइरहेको छ ।
दुर्घटनापछि कार चालक धादिङको धुनिबेसी–७ बस्ने ४२ वर्षीय राजु भण्डारीलाई नियन्त्रणमा लिई घटनाका सम्बन्धमा थप अनुसन्धान थालिएको प्रहरीले जनाएको छ ।
