काठमाडौं । श्री एयरलाइन्सका एयर होस्टेजलाई दुर्व्यवहार गरेको आरोपमा एक जना पक्राउ परेका छन् ।
पक्राउ पर्नेमा कैलालीको गोदावरी नगरपालिका–१ घर भएका शिवराज ओझा रहेका छन् । उनले मंगलबार काठमाडौं-धनगढी उडानका क्रममा जहाजका एयरहोस्टेजलाई दुर्व्यवहार गरेका थिए ।
त्यसपछि विमान धनगढीमा अवतरण भएपछि ओझालाई पक्राउ गरिएको कैलालीका एसपी पदम विष्टले बताए । उनका अनुसार ओझामाथि अभद्र व्यवहार मुद्दामा अनुसन्धान भइरहेको छ ।
