काठमाडौं । नेशनल लाइफ इन्स्योरेन्स कम्पनीले २०८१ जेठमा जारी गरेको मासिक योजना अनुरुप उत्कृष्ट कार्य गरी तोकिएको लक्ष्य पूरा गर्न सफल अभिकर्तासहित कम्पनीका उपप्रमुख कार्यकारी अधिकृत, विभागीय प्रमुख र विभिन्न शाखाका शाखा प्रमुख गरी करिब तीन सय जनाको उपस्थितिमा काठमाडौँको सोल्टी होटलमा नेशनल लाइफ गाला कन्सर्ट सम्पन्न गरेको छ ।
कन्सर्टमा स्ट्याण्ड अप कमेडीका लागि चर्चित कलाकार सन्दीप क्षेत्रीको प्रहसनसहित नेपालका चर्चित कलाकारहरु प्रमोद खरेल, मेलिना राई र हेमन्त शर्माको बेजोड सांगीतिक प्रस्तुति रहेको थियो भने चर्चित डिजे नानीको प्रस्तुतिमा उपस्थित अभिककर्ताहरुले भरपूर मनोरञ्जन लिएका थिए ।
उक्त गाला कन्सर्टमा कम्पनीका उपकार्यकारी अधिकृतले नेशनल लाइफले सदाझै अभिकर्ताहरुको चाहानालाई मध्यनजर गर्दै विभिन्न योजना ल्याउने क्रममा गाला कन्सर्टको अवधारणा ल्याइएको र यस योजनालाई देशैभरिका अभिकर्ताहरुले उत्साहका साथ मनन गरेको हुनाले नै योजना सफल भएको बताउँदै अभिकर्ताहरुको उत्साहजनक उपस्थितिले कार्यक्रम भव्यरुपमा सम्पन्न भएको बताए ।
