ब्राउन सुगरसहित एक भारतीय नागरिक पक्राउ

काठमाडौं । झापामा लागु औषधसहित एक जना भारतीय नागरिक पक्राउ परेका छन् ।

इलाका प्रहरी कार्यालय कुमरखोदबाट खटिएको प्रहरी टोलीले भारतबाट नेपालतर्फ साईकलमा आउदैं गरेका भारतको किसनगंज जिल्ला सतकुवा दिंगलबैक पञ्चायत–१ का ३६ वर्षीय सोमाई किस्कुलाई पक्राउ गरेको हो ।

शङ्का लागेर चेकजाँच गर्दा उनको साथबाट लुकाई छिपाई ल्याउदैं गरेको प्रतिबन्धित लागु–औषध ब्राउन सुगर प्लाष्टिकसहित २० ग्राम र प्लाष्टिक बाहेक १६ ग्राम ८३० मिलिग्राम फेला परेको प्रहरीले जनाएको छ । सोमाईलाई नियन्त्रणमा लिई थप आवश्यक अनुसन्धान भइरहेको प्रहरीले जनाएको छ ।