काठमाडौँ । काठमाडौँ महानगरपालिका-७ स्थित कालोपुलमा २० वर्षीय युवक मृत भेटिएका छन् । जिल्ला प्रहरी परिसर काठमाडौँका एसपी नवराज अधिकारीका अनुसार ओखलढुंगाको लिखु गाउँपालिका-९ स्थायी ठेगाना भएका २० वर्षीय प्रेम महत दर्जी मृत अवस्थामा भेटिएका हुन् ।
दर्जीको हत्या भएको हुनसक्ने आशंकामा उनका पत्नी २४ वर्षीय उषा नेपाली र अर्का युवक २७ वर्षीय मदन रम्तेललाई पक्राउ गरिएको एसपी अधिकारीले जानकरी दिए ।
मृतक कालोपुलस्थित दयालक्ष्मी महर्जनको घरमा डेरा लिएर बस्दै आएका थिए । चोट लागेको र झुण्डीएको अवस्थामा भेटिएको दर्जीको शव पोष्टमार्टमका लागि त्रिवि शिक्षण अस्पतालमा पठाइएको छ ।
