हिल्टन होटलमा हेलिकोप्टर ठोक्किँदा पाइलटको मृत्यु

एजेन्सी । अष्ट्रेलियाको पर्यटकीय सहर केर्न्सको रहेको एक होटलको छतमा हेलिकोप्टर दुर्घटना हुँदा एक पाइलटको मृत्यु भएको छ ।

सोमबार हिल्टन होटलको डबलट्रीमा विमान ठोक्किँदा पाइलटको मृत्यु भएको हो । क्वीन्सल्याण्ड प्रहरीले हेलिकोप्टरमा सवार एक जनाको मात्र घटनास्थलमै मृत्यु भएको पुष्टि गरेको छ ।

दुर्घटनापछि भएको आगलागीका कारण सयौँ पाहुनाहरूलाई होटलबाट बाहिर निकालिएको थियो । होटलका दुई पाहुनाहरूलाई घाइते अवस्थामा अस्पताल लगिएको थियो ।