काठमाडौं, २५ बैशाख ।
मादक पदार्थ सेवन गरेका चालकले चलाएको एम्बुलेन्स दुर्घटनामा परेको छ । बिहीबार दिउँसो गौशलास्थित सडकखण्डमा मित्रपार्कबाट एयरपोर्ट तर्फ आउदै गरेको बा १० च ८५१३ नं. को निजि कारलाई विपरित दिशावाट आएको बा ८ छ ६९२८ नं.को एम्बुलेन्सले ठक्कर दिई सवारी दुर्घटना भएको हो ।
उक्त घटनामा निजी कार चालक सामान्य घाईते भएको र दुबै सवारी साधनमा क्षति भएको र कुनै मानवीय क्षती नभएको प्रहरीले जनाएको छ ।
निजी कार चालक गोगबुं बस्ने बर्ष २९ को सविन श्रेष्ठ
एम्बुलेन्स चालक जिल्ला मोरङ पथरी नगरपालिका बस्ने बर्ष ३६ को राम बहादुर चौधरी रहेका छन् । उक्त एम्बुलेन्स चालकले मादक पदार्थ सेवन गरी चलाएको साथै सवारी चालक अनुमति (लाईसेन्स) पनि नभएको प्रहरीले जनाएको छ । दुवै सवारी साधन र चालक महानगरीय ट्राफिक प्रहरी वृत्त, गौशलाको नियन्त्रणमा राखेको छ ।
