एन्फा महिला फुटबल लिगमा आज दुई खेल हुँदै

काठमाडौं । एन्फा महिला फुटबल लिगमा आज दुईवटा खेल हुँदैछन् । आजदेखि सुरु हुने तेस्रो चरणको खेलअन्तर्गत पहिलो खेल मध्यान्ह साढे १२ बजेबाट सुरु हुनेछ । जुन खेलमा कोशी प्रदेश र कर्णाली प्रदेशबीच प्रतिस्पर्धा हुनेछ ।

यो खेल एन्फा कम्प्लेक्सको मैदान सातदोबाटोमा हुनेछ । कोशी यसअघिका दुवै खेल जित्दै ६ अङ्कका साथ शीर्ष स्थानमा छ । कर्णाली एक अङ्कसहित आठौँ स्थानमा छ ।

यस्तै सातदोबाटोमै दिउँसो सवा चार बजे हुने खेलमा बागमती युथ क्लब र नेपाल पुलिस क्लबले खेल्नेछन् । पुलिस क्लब चार अङ्कसहित दोस्रो स्थानमा र बागमती युथ क्लब तीन अङ्कसहित चौथो स्थानमा छ । एन्फा महिला फुटबल लिगमा १० वटा टोली सहभागि छन् ।