काठमाडौं । बागलुङमा भएको जीप दुर्घटनामा रुकुमपूर्वको पुथाउत्तरगंगा गाउँपालिका उपाध्यक्ष भुपेन्द्रा बुढाको मृत्यु भएको छ ।
बिहान पौने ९ बजेतिर रा १ झ २०० नम्बरको सरकारी गाडी आज बागलुङको गलकोट नगरपालिका वडा नम्बर २ भुङखानीमा दुर्घटना भएको थियो । उक्त गाडीमा सवार पुथाउत्तरगंगा गाउँपालिका उपाध्यक्ष भुपेन्द्रा बुढासहित तीन जनाको मृत्यु भएको हो ।
बागलुङका प्रमुख जिल्ला अधिकारी नेत्रप्रसाद सुवेदीले दुर्घटनामा पुथाउत्तरगंगा गाउँपालिका उपाध्यक्ष भुपेन्द्रा बुढाको मृत्यु भएको बताए । अरुको भने सनाखत हुन बाँकी रहेको प्रहरीले जनाएको छ । उक्त गाडीमा गाउँपालिकाका कर्मचारीहरु पनि थिए । तर को–को थिए भन्ने खुलेको छैन ।
