काठमाडौँ, ७ जेठ ।
नेपालमा थप १७ जनामा कोरोना संक्रमण पुष्टि भएको छ । कपिलवस्तुमा १२, धनकुटामा पाँच र रुपन्देहीमा एक जनामा कोरोना संक्रमण पुष्टि भएको हो ।
भैरहवास्थित प्रदेश जनस्वास्थ्य प्रयोगशालामा गरिएको पीसीआर परीक्षणमा १२ जना कपिलवस्तु र एक जना रुपन्देहीका युवकमा कोरोना पोजेटिभ आएको हो । स्रोतका अनुसार संक्रमित सबैजना क्वारेन्टाइनमा रहेका व्यक्तिहरु हुन् । अधिकांश भारतबाट आएका हुन् । सरकारले नै उनीहरुलाई भारतबाट ल्याएर क्वारेन्टाइनमा राखेको थियो ।
नेपालमा संक्रमितको संख्या चार सय २० पुगेको छ । संक्रमितमध्ये नेपालमा तीन जनाको निधन भएको छ भने ३७ जना निको भएका छन् । केही दिनयता नेपालमा तिव्र गतिमा संक्रमण फैलिएको छ ।
