काठमाडौं । नेपाली बजारमा आज (सोमबार) सुनचाँदीको मूल्यले नयाँ रेकर्ड कायम गरेको छ । आज सुन ६ सय रुपैयाँले बढेर प्रतितोला १ लाख ६५ हजार ६ रुपैयाँ पुगेको छ ।
यो मूल्य आलसम्मकै सर्वाधिक महंगो हो । यसअघि अघिल्लो दिन (आइतबार) सुन प्रतितोला १ लाख ६५ हजारमा कारोबार भएको थियो ।
त्यस्तै चाँदीको मूल्यले पनि नयाँ रेकर्ड बनाएको छ । यस दिन चाँदी प्रतितोला २ हजार ९५ रुपैयाँ पुगेको छ । चाँदीको यो मूल्य अहिलेसम्मकै उच्च भएको नेपाल सुनचाँदी व्यवसायी महासंघले जनाएको छ । अघिल्लो दिन चाँदी प्रतितोला २०७५ रुपैयाँ थियो ।
अन्तर्राष्ट्रिय बजारमै मूल्य बढेपछि नेपालमा सुनको मूल्यले लगातार नयाँ रेकर्ड बनाइरहेको महासंघले जनाएको छ ।
