काठमाडौं । प्रधानमन्त्री केपी शर्मा ओलीलाई चीन भ्रमणको निम्तो आएको छ । चिनियाँ प्रधानमन्त्री ली छ्याङले आगामी २–६ डिसेम्बर (मंसिर १७–२१) मा प्रधानमन्त्री ओलीलाई चीन भ्रमणको निम्तो पठाएका हुन् ।
एकसाता अघि नेपालस्थित चिनियाँ दूतावासका अधिकारीले परराष्ट्र मन्त्रालयमार्फत दिएको निम्तो प्रधानमन्त्री कार्यालय पुगेको छ । यद्यपि प्रधानमन्त्री ओलीले त्यसको जबाफ भने दिइनसकेको उनको सचिवालयले जनाएको छ ।
एमाले कांग्रेसको समर्थनमा गत ३१ असारमा प्रधानमन्त्री नियुक्त भएका ओलीको यो पहिलो विदेश भ्रमण हो । यसअघि संयुक्त राष्ट्रसंघको महासभालाई सम्बोधन गर्न अमेरिका गएपनि यो पहिलो औपचारिक विदेश भ्रमण हो ।
