कीर्तिपुरको मेयरमा स्वतन्त्रबाट बानियाँको उम्मेदवारी दर्ता

काठमाडौं । कीर्तिपुर नगरपालिकाको मेयरमा स्वतन्त्र उम्मेदवार डा.नवरथकुमार बानियाँले उम्मेदवारी दर्ता गराएका छन् । आइतबार उम्मेदवारी दर्ता गर्दै बानियाँले दलीय उम्मेदवारले चुनाव जित्दा बेथिति र निराशा बढाएकाले आफूले उक्त बेथिति र निराशा चिर्न उम्मेदवारी दिएको बताए ।

उनले भने, ‘निराशा चिर्ने र नगरपालिकालाई स्वच्छ बनाउने मेरो एजेन्डा हो । सुन्दर र व्यवस्थित नगर बनाउने मेरो चाहाना छ ।’ उनले जर्मनीबाट वातावरण विज्ञानमा पिएचडी गरेको र विभिन्न शैक्षिक संस्थामा काम गरेको आफूसँग अन्ुभव भएको बताए ।