काठमाडौं । राष्ट्रिय स्वतन्त्र पार्टी (रास्वपा)ले मंसिर १६ गते हुने उपनिर्वाचनमा ४२ मध्ये २६ स्थानमा उम्मेदवार खडा गरेको छ ।
रास्वपाले काठमाडौंको कीर्तिपुर नगरपालिकामा भने उम्मेदवारी दिएन । काठमाडाैं १६ को वडाध्यक्षमा रोजिना श्रेष्ठलाई उठाइएको छ । मोरङको ग्रामथान पालिका अध्यक्षमा नविन कुमार खवास घन्टीवाहक उम्मेदवार बनेका छन् ।
ओखलढुंगा, सप्तरी रौतहट, रुकुम पूर्व, रुकुम पश्चिम, बाजुरा, बझाङ, डोल्पा, दार्चुला, कैलाली जिल्लाहरुमा हुने उपनिर्वाचनमा रास्वपाले उम्मेदवारी दर्ता गराएन । उम्मेदवारी नदिएको स्थानमा अन्य उम्मेदवारलाई समर्थन गर्ने वा तटस्थ बस्ने पार्टीको नीति छ ।
