काठमाडौं । गायिका तथा गीतकार अनिला राईको नयाँ गीत सार्वजनिक भएको छ । हालै सार्वजनिक गीतमा अनिलाको स्वर छैन । दर्जनौं गीतहरुमा स्वर दिइसकेकी अनिलाले यो गीतमा अहिलेकी चर्चित गायिका एलिना चौहानको स्वर सुन्न सकिन्छ ।
अनिलाको शब्दरचना रहेको ‘भाडा माझ्न’ बोलको यस गीतको संगीत पवन बान्तवा राईले गरेका हुन् । बालश्रम शोषणका विषयलाई उठाएर गीतकार तथा गायिका अनिलाले यो गीत तयार गरेकी छन् । पढ्न सिक्ने र आमासँग खेल्ने समयमा अर्कोको घरमा भाडा माझ्ने अवस्था आयो भने ती बालिका वा किशोरको मनोदशा के होला ? ‘भाँडा माझ्न’ बोलको यस गीतको बयान गरिएको छ ।
गायिका अनिलाले समाजमा घट्दै र हुँदै आएका विभिन्न विषयमा गीत लेखन तथा गाउँदै आएकी छन् । सोही क्रममा यसपटक बालश्रम जस्तो गम्भीर विषयलाई गीति सिर्जनामा उतारेकी छन् ।
यस भिडियोलाई स्टुडियोमा खिचिएको छ । साथै, भिडियोमा गीतका अनिला राई पनि देखिएकी छन् । विगत एक दशकदेखि बेलायत बस्दै आएकी अनिला भिडियोमा गीतकारकै रुपमा देखिएकी छन् ।
गायिका अनिलाले केही गीतको संगीत समेत गरेकी छन् । गीतकार, गायिका एवं संगीतकार अनिलाले यो आफ्नो पछिल्लो गीतको भिडियो आफ्नै अफिसियल युट्युब च्यानल ‘अनिला राई अफिसियल’मार्फत सार्वजनिक गरेकी हुन् ।
