काठमाडौं । रुकुम पूर्वको पुथा उत्तरगंगा गाउँपालिका–२ को वडाध्यक्षमा नेकपा माओवादी केन्द्रका जगत घर्ती निर्विरोध निर्वाचित भएका छन् ।
एमालेका उम्मेवार जीवन रोका र स्वतन्त्र उम्मेदवार शुक्रराज विकले आफ्नो उम्मेदवारी फिर्ता लिएपछि घर्ती निर्विरोध भएका हुन् ।
माओवादी केन्द्रका केन्द्रीय सदस्य एवं सांसद पूर्णबहादुर घर्तीले स्वतन्त्र र एमालेका उम्मेदवारले उम्मेदवारी फिर्ता लिएपछि आफ्ना वडाध्यक्षका उम्मेदवार निर्विरोध निर्वाचित भएको जानकारी दिए ।
यद्यपि, निर्वाचन आयोगले घर्ती निर्विरोध निर्वाचित भएको घोषणा गर्न बाँकी छ । स्थानीय तह उपनिर्वाचन अन्तर्गत देशका विभिन्न ४४ स्थानमा यहि मंसिर १६ गते निर्वाचन हुँदैछ ।
