काठमाडौं । ग्रेटर नेपालका अभियान्ता फणिन्द्र नेपाललाई प्रहरीले नियन्त्रणमा लिएको छ । शान्ति सुरक्षा कायम गर्ने सिलसिलामा आवश्यकता देखिएपछि उनलाई नियन्त्रणमा लिइएको काठमाडौं प्रहरी परिसरका एसपी नवराज अधिकारीले बताए ।
नेपाललाई तत्काललाई होल्ड मात्र गरिएको प्रहरीको भनाइ छ । अहिले भारतीय सेना प्रमुख उपेन्द्र द्विवेदी नेपाल भ्रमणमा भ्रमणमा छन् । यस्तो बेला ग्रेटर नेपालको अभियान चलाइरहेका उनले कालो झण्डा देखाउने तथा विरोध प्रदर्शन गर्न सक्ने सम्भावना रहेकाले उनलाई प्रहरीले निगरानीमा राखेको थियो । भारतबाट हुने हरेकजसो औपचारिक भ्रमणमा नेपालले विरोध जनाउने गरेका छन् ।
