काठमाडौं । नेकपा (एमाले) तेह्रथुमको अध्यक्षमा शिवप्रसाद ढुङ्गाना निर्वाचित भएका छन् । अर्का प्रत्यासी गोविन्दराज श्रेष्ठलाई पराजित गर्दै अध्यक्षमा ढुङ्गगाना निर्वाचित भएका हुन् ।
ढुङ्गानाले २२६ मत पाए भने श्रेष्ठले २०४ मत पाएका थिए । उपाध्यक्षमा सन्तोष तिगेला सर्वसम्मत निर्वाचित भएका छन् । सचिवमा भने श्रेष्ठ प्यानलका तारामान मादेन निर्वाचित भएका छन् । खुला उपसचिवमा ढुङ्गाना प्यानलका यादवबहादुर खापुङ निर्वाचित भएका छन् । उनी मेन्छेयायेम गाउँपालिकाका अध्यक्षसमेत हुन् ।
त्यसैगरी महिला उपसचिवमा श्रेष्ठ प्यानलकी तारा ढकाल निर्वाचित भएकी छन् । उपाध्यक्षमा निर्वाचित भएका तिगेला र महिला उपसचिवमा निर्वाचित भएकी ढकाल छथर गाउँपालिकाका अध्यक्ष र उपाध्यक्ष हुन् ।
