मनहरीमा साबेल प्रहार गरी ५० वर्षीय पुरुषको हत्या

काठमाडौं । मकवानपुरमा एक पुरुष मजदुरको हत्या गरिएको छ । मकवानपुरको मनहरी गाउँपालिका– ६ मा ५० वर्षीय जीतबहादुर मोक्तानलाई ३४ वर्षका अम्बरबहादुर लोप्चनले सुतिरहेको अवस्थामा साबेल प्रहार गरी हत्या गरेका हुन् ।

मनहरी क्षेत्रमा सँगै मजदुरी गर्ने अम्बरबहादुरले साबेल प्रहार गर्दा गम्भीर घाइते भएका जीतबहादुरलाई अस्पताल लगिएपनि डाक्टरले मृत घोषणा गरेको मकवानपुर प्रहरीले जनाएको छ । हत्या आरोपी लोप्चनलाई पक्राउ गरी अनुसन्धान जारी राखेको प्रहरीले जनाएको छ ।