विद्युत प्राधिकरणको वर्कशपमा आगलागी

काठमाडौं । नेपाल विद्युत प्राधिकरणको केन्द्रीय वर्कशपमा आगलागी भएको छ । हेटौंडा उपमहानगरपालिका– ५ भैरवरोडमा पुरानो सामान राखेको वर्कशपमा गएराति अचानक आगलागी भएको हो ।

नेपाल प्रहरी, हेटौंडा उपमहानगरपालिकाको नगर प्रहरी, विद्युत प्राधिकरणका कर्मचारी र दमकलको सहयोगमा एक घण्टापछि आगलागी नियन्त्रणमा लिइएको प्रहरीले जनाएको छ ।

क्षतिकाे विवरण आउन बाँकी रहेको र आगलागीबारे अनुसन्धान भइरहेको जिल्ला प्रहरी कार्यालय मकवानपुरका डिएसपी श्यामु अर्यालले जानकारी दिए ।