तान्विर चम्किँदा ५ विकेटले चितवन राइनोज विजयी

काठमाडौं । नेपाल प्रिमियर लिग (एनपीएल)को सोमबार भएको पहिलो खेलमा चितवन राइनोज विजयी भएको छ । बलिङमा सोहेल तान्विर चम्किएपछि चितवन राइनोजले काठमाडौं गुर्खाजविरुद्ध पाँच विकेटको जित निकालेको हो ।

कीर्तिपुरस्थित त्रिवि क्रिकेट मैदानमा सम्पन्न खेलमा टस हारी पहिले ब्याटिङको निम्तो पाएको काठमाडौँ गुर्खाजले निर्धारित २० ओभरमा नौ विकेट गुमाएर एक सय ११ रन बनाएको थियो । काठमाडौंले प्रस्तुत गरेको ११२ रनको सामान्य लक्ष्य चितवनले १७.१ ओभरमा पाँच विकेट गुमाएर भेट्टायो ।