काठमाडौं । सुदूरपश्चिम रोयल्सविरुद्ध अन्तिममा सम्हालिन नसक्दा पोखरा एभेन्जर्स पराजित भएको छ ।
कीर्तिपुरस्थित टीयु मैदानमा भएको खेलमा सुदूरपश्चिमले पोखरालाई पाँच रनको हराएको हो । योसँगै सुदूरपश्चिमले प्लेअफमा स्थान पक्का गरेको छ ।
सुदूरपश्चिमको जितमा न्यूजिल्यान्डका बलर स्कट कुगेलीन नायक बने । उनले पाँच विकेट लिएका छन् । सुदूरपश्चिमले दिएको एक सय ५४ रनको लक्ष्य पछ्याएको पोखराले १४८ रनमा समेटियो ।
पोखराका आन्द्रेस गौसले सर्वाधिक ३६ रन जोडे । रायमन रिफरले ३३ र किरण थगुन्नाले ३२ रन बनाए । बलिङमा स्कट कुगेलेइन एक्लैले ५ विकेट लिए । हर्मित सिंहले ३ र सैब जफरले एक विकेट लिए ।
