चन्द्रागिरिमा मोटरसाइकल दुर्घटना हुँदा चालकको मृत्यु

काठमाडौं । चन्द्रागिरि नगरपालिका–२ मसिनेमा मोटरसाइकल दुर्घटना हुँदा एक जनाको मृत्यु भएको छ । आइतबार राति बा ३३ प ३६८ नम्बरको मोटरसाइकल सडकबाट करिब ७० मिटर तल खस्दा धुनिबेशी नगरपालिका–७ घर भएका चालक २६ वर्षीय टिकाराम तामाङको मृत्यु भएको हो ।

दुर्घटनामा परेर गम्भीर घाइते भएका उनलाई उपचारका लागि राष्ट्रिय ट्रमा सेन्टरमा ल्याइएको थियो । तर, उपचारकै क्रममा उनको मृत्यु भएको प्रहरीले जनाएको छ ।