काठमाडौं । नेपाल प्रिमियर लिग (एनपीएल)मा कर्णाली याक्सका ओपनर जयकिशन कोल्सावालाले डेब्यू खेलमै अर्धशतक बनाएका छन् ।
बुधबार कीर्तिपुरस्थित त्रिवि क्रिकेट मैदानमा टस हारेर चितवन राइनोजविरुद्ध पहिले ब्याटिङमा उत्रिएको कर्णालीबाट कोल्सावालाले ३६ बलमा ५० रन पूरा गरे । यस क्रममा उनले ६ चौका र दुई छक्का प्रहार गरे । एनपीएलमा पहिलो खेल खेलिरहेका कोल्सावालाको यो पहिलो अर्धशतक समेत हो ।
यो खेलमा जित निकाल्ने टिमले दोस्रो क्वालिफायरमा स्थान बनाउनेछ । आजै हुने पहिलो क्वालिफायरमा सुदूरपश्चिम रोयल्स र जनकपुर बोल्ट्स भिड्नेछन् ।
