काठमाडौं । प्रदर्शन मिति नजिकिएसँगै चलचित्र ‘एक्टर’को प्रचार, प्रसारलाई निर्माण पक्षले तिब्रता दिएको छ । यसै सिलसिलामा आगामी माघ ४ गतेबाट देशभर प्रदर्शनमा आउने चलचित्र ‘एक्टर’ को रोमान्टिक गीत सार्वजनिक गरिएको छ ।
रिता रायमाझीको शब्द, मनोहरी थापा र सुनिता कार्कीको स्वर रहेको ‘चिरिच्याट्ट’ बोलको गीतका संगीतकार सम्राट थापा हुन् । भिज्ज्वलमा नायक प्रिन्स थापा र कविता नेपालीलाई मुख्य भुमिकामा देखाइएको छ ।
नेपाल डाइस्पोरा इन्टरटेनमेन्टको प्रस्तुति रहेको ‘एक्टर’ आधुनिक परिवेशमा प्रेम, रोमान्स र थ्रिलर्स सस्पेन्समा बनेको निर्माता मनोहरी थापाले बताए ।
चलचित्रमा प्रिन्स थापा, शिवानी गिरी, कशिश दाहाल, कृष्ण मल्ल, सरोज खनाल, शिबु शाह, निशा केसी भण्डारी, महेन्द्र मैनाली लगायतका कलाकारको अभिनय छ भने चलचित्रमा सम्राट थापाको कथा तथा संगीत रहेको छ । सम्राट बस्नेतको द्वन्द्व, माइकल चन्दको नृत्य, युवराज राई र डम्बर राईको छायाँकन र यस चलचित्रलाई मदन घिमिरेको निर्देशन गरेका हुन् ।
