जनकपुरधाम । बाराको जितपुर सिमरा उपमहानगरपालिका–११ स्थित सडक छेउमा रोकिराखेको कारभित्र एकजना पुरुष मृत भेटिएका छन् ।
प्रहरीका अनुसार बागमती प्रदेशको ०१–०२८–च–७६१६ नम्बरको कारभित्र पहिचान खुल्न नसकेको युवक मृत भेटिएका हुन् । चालकको सिटमा भेटिएका युवकको टाउकोमा गम्भीर चोट लागेकाले हत्याको आशंका रहेको प्रहरीले जनाएको छ ।
बाराका प्रहरी प्रमुख एसपी महेन्द्र खड्काले कारभित्र मृत भेटिएका युवकको पहिचान खुल्न नसकेको बताए । घटना शंकास्पद देखिएको र थप अनुसन्धान भइरहेको उनले बताए ।
