काठमाडौं । बाजुरामा आज बिहान गएको भूकम्पबाट १५ वटा घर पूर्णरुपमा क्षतिग्रस्त भएका छन् ।
जिल्ला प्रशासन कार्यालय बाजुराका सीडीओ मेघनाथ पाध्याका अनुसार भूकम्पले क्षति पुगेका घरका सदस्यलाई सुरक्षित ठाउँमा सारिएको छ ।
हालसम्म १५ घर बस्न नमिल्ने गरी क्षति पुगेको जानकारी आएको र थप जानकारी लिने कार्य भइरहेको सीडीओ पाध्याले बताए । १५० भन्दा बढी घरमा भूकम्पले आंशिक क्षति पुर्याएको छ । विवरण संकलन गर्ने काम भइरहेको उनले बताए ।