काठमाडौं । सर्लाहीमा महिलाको हत्या आरोपमा प्रहरीले एक जनालाई पक्राउ गरेको छ । पक्राउ पर्नेमा सर्लाहीकै ईश्वरपुर नगरपालिका–१२ घारिबथान बस्ने ४८ वर्षीय बीरबहादुर मोक्तान रहेका छन् ।
उनले लालबन्दी नगरपालिका–१५ तीनतले देउराली बस्ने ६५ वर्षीया विष्णुमाया बम्जनको ढुंगा प्रहार गरेर हत्या गरेको आरोप छ । वीरबहादुरले मंसिर २८ गते राति ढुंगा प्रहार गर्दा बिष्णुमाया गम्भीर घाइते भएकी थिइन् ।
उपचारको क्रममा उनको आज बिहान लालबन्दीस्थित म्याक्स अस्पतालमा मृत्यु भएपछि अस्थायी प्रहरी पोष्ट परवानीपुरबाट खटिएको प्रहरीले वीरबहादुरलाई पक्राउ गरेको हो ।
