काठमाडौं । दाङमा मोटरसाइकल दुर्घटना हुँदा एक जना प्रहरी जवानको मृत्यु भएको छ । जिल्लाको लमही नगरपालिका– ७ का २६ वर्षीय प्रहरी जवान गणेश चौधरीको मोटरसाइकल दुर्घटनामा परी मृत्यु भएको हो ।
सोमबार बेलुका कर्णली खोलामा मोटरसाइकल दुर्घटनामा परेर घाइते भएका चौधरीको उपचारका क्रममा लमही अस्पतालमा मृत्यु भएको जिल्ला प्रहरी प्रवक्ता डिएसपी ईश्वर थापाले बताए । उनी वडा प्रहरी कार्यालय लमहीमा कार्यरत थिए ।
