च्यासलमा इन्जिनियरिङ अध्ययनरत विद्यार्थीको हत्या

काठमाडौं । ललितपुरको च्यासलस्थित टाउन हब रेस्टुरेन्टमा एक विद्यार्थीको हत्या भएको छ । गएराति साथीहरूसँगै गएका ललितपुरकै हिमालय कलेजको बीई चौथो सेमेस्टरमा अध्ययनरत २३ वर्षीय नयन गुरुङको चक्कु प्रहार गरी हत्या गरिएकाे हाे ।

राति ९ बजेर २० मिनेटतिर भएको उक्त घटनापछि चक्कु प्रहार गर्ने उक्त रेस्टुरेन्टका कर्मचारीहरु डडेलधुराका हेमराज भट्ट, काभ्रेका जनकबहादुर लामा र दार्चुलाका पदमराज भट्टलाई नियन्त्रणमा लिएर अनुसन्धान अघि बढाइएको जिल्ला प्रहरी परिसर ललितपुरका एसएसपी शेखर खरेलले जानकारी दिए ।