अजरबैजान एयरलाइन्सको जहाज काजकिस्तानमा दुर्घटना

काठमाडौं । अजरबैजान एयरलाइन्सको जहाज काजकिस्तानको अक्ताउ शहरमा दुर्घटना भएको छ । बाकुबाट रूसको चेचन्यास्थित ग्रोज्नीतर्फ जाँदै गरेको ६७ जना यात्रु सवार जहाज दुर्घटनामा परेको हो ।

दुर्घटनामा केही मानिस हताहती भएको बताइएको छ । कजाकिस्तानका आपत्कालीन मन्त्रीका अनुसार विमान दुर्घटना भएको स्थानमा पुग्न उद्धार टोलीले प्रयास गरिरहेको छ । यद्यपी अजरबैजान एयरलाइन्सको तर्फबाट जहाज दुर्घटनाबारे अहिलेसम्म कुनै प्रतिक्रिया आएको छैन ।