काठमाडौं । नेकपा एकता राष्ट्रिय अभियानका संयोजक वामदेव गौतमले पुराना संस्मरणहरू पुनर्जीवित भएको बताएका छन् ।
सोमबार नेकपा (एकीकृत समाजवादी)का अध्यक्ष माधव नेपाललाई भेट गरेपछि उनले भनेका छन्, ‘पुराना संस्मरणहरू पुनर्जीवित गरियो । नयाँ आकाशतर्फ फेरि हिँड्नपर्छ भन्ने पनि कुरा भयो । अनि आजलाई स्थगित भयो ।’
गौतमले आफू एकीकृत समाजवादी प्रवेशको सम्भावना रहेको पनि बताए । भेटमा पार्टी एकताको क्रममा आफूनिकट नेताहरूले कुन–कुन जिम्मेवारी पाउने भन्दै गौतमले चासो राखेका थिए ।
एकीकृत समाजवादीमा गौतमलाई नेपाल र झलनाथ खनालपछिको वरियता दिने तयारी छ ।
