काठमाडौं । आउँदो माघ ४ गतेबाट देशभर एकसाथ प्रदर्शनमा आउने चलचित्र ‘एक्टर’को दोस्रो गीत ‘घर त तिम्रो काठमाडौं मेरो पोखरा’ सार्वजनिक भएको छ ।
रोमान्टिक यस लभसङ अंग्रेजी नयाँ वर्षको अवसरमा सार्वजनिक गरिएको हो । सार्वजनिक गीतमा चलचित्रका मुख्य कलाकारा प्रिन्स थापा र शिवानी गिरी फिचरिङ्ग छन् । यस गीतमा रामचन्द्र काफ्ले र रश्मि उपाध्यायको स्वर छ भने संगीत सम्राट थापाको रहेको छ ।
आधुनिक परिवेश, प्रेम, रोमान्स, थ्रिलर्स सस्पेन चलचित्र ‘एक्टर’का निर्माता पत्रकार मनोहरी थापा हुन् । यस चलचित्रमा प्रिन्स र शिवानीका अलावा कशिस दाहाल, कृष्ण मल्ल, सरोज खनाल, महेन्द्र मैनाली, शिबु शाह, निशा केसी भण्डारी लगायतका कलाकारको अभिनय छ । मदन घिमिरेको निर्देशन रहेको ‘एक्टर’ नेपाल डाइस्पोरा इन्टरटेनमेन्टको व्यानरमा निर्माण भएको हो ।
