बलात्कार र डाँका मुद्दामा ११ वर्ष कैद सुनाइएका व्यक्ति पक्राउ

काठमाडौं । बलात्कार र डाँका मुद्दामा ११ वर्ष कैद सजाय तोकिएका फरार व्यक्ति पक्राउ परेका छन् । प्रहरीका अनुसार पक्राउ पर्नेमा कपिलवस्तुको बाणगंगा नगरपालिका–४ का ३८ वर्षीय विकास मल्ल रहेका छन् ।

उनलाई जिल्ला प्रहरी कार्यालय कपिलवस्तुको टोलीले पक्राउ गरेको हो ।१५ फागुन २०७५ मा मल्लमाथि कपिलवस्तु जिल्ला अदालतले ११ वर्षको कैद सजाय सुनाएको थियो । कपिलवस्तुका एसपी निरन्जनदत्त भट्टका अनुसार कैद भुक्तानका लागि अदालत उपस्थित गराएर उनलाई कपिलवस्तु कारागार चलान गरिएको छ ।