काठमाडौं । अमेरिकाको भर्जिनियामा कार दुर्घटना हुँदा दुई जना नेपालीको मृत्यु भएको छ । सेन्टरभ्यु ड्राइभमा रहेको विङ्गेट बाई विन्डह्याम होटलनजिकै कार हिउँमा चिप्लिएर पोखरीमा खस्दा दुई जनाको मृत्यु भएको हो ।
फेयरफ्याक्स काउन्टी प्रहरीका अनुसार मृत्यु हुनेहरुमा चालक ५५ वर्षीय कर्ण खड्का र यात्रु २० वर्षीय निश्चल भट्ट रहेका छन् ।अमेरिकी सञ्चारमाध्यमका अनुसार पोखरीमा कार डुबेको अवस्थामा फेला परेको थियो ।
दुवै जनाको शव कारभित्र पाइएको हो । पछिल्लो केही दिनयता हिमआँधीका कारण भर्जिनियासहित अमेरिकाका विभिन्न राज्यमा भारी हिमपात हुँदा जनजीवन कष्टकर छ ।
