काठमाडौैैं, ४ असार ।
लकडाउन खुकुलो भएसँगै नेपालमा कोरोना संक्रमण तिव्र भएको छ । पछिल्लो २४ घण्टामा ६ सय ७१ जना संक्रमित थपिएका छन्। यीसहित कुल संक्रमित ७ हजार ८४८ पुगेका छन्। यो एकैदिनको संक्रमण बढेको नयाँ रेकर्ड हो ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा ६ सय ७१ संक्रमित थपिएको जानकारी दिए।
नेपालमा संक्रमितको संख्या ७८४८ पुगेको छ । मृतकको संख्या २२ पुगेको छ ।
पछिल्लो २४ घण्टामा १९ जना पुरुष कोरोनामुक्त भएका छन्।
उनका अनुसार हालसम्म १ हजार १ सय ८६ जना कोरोनामुक्त भई विभिन्न अस्पतालबाट डिस्चार्ज भएका छन्। संक्रमितमध्ये धेरै जसो भारतबाट फर्किएकाहरु छन् ।
