काठमाडौं । विराटनगरका पुराना वाम बुद्धिजीवी प्राध्यापक डाक्टर मेदिनीप्रसाद शर्मा नेकपा एमाले प्रवेश गरेका छन् । विराटनगरमा जारी एमालेको पाँचौँ विस्तारित बैठकका अवसरमा शर्मा माओवादी छाडेर एमालेमा प्रवेश गरेका हुन् ।
माओवादी केन्द्रका केन्द्रीय सल्लाहकार समेत रहेका उनी विराटनगरस्थित पोस्टग्राजुयट क्याम्पसका प्राध्यापक हुन् । उनलाई इतिहास र साहित्यका अग्रज व्यक्तित्व मानिन्छ ।
शर्मालाई एमाले केन्द्रीय उपाध्यक्ष गुरु बराल, एमाले स्थायी कमिटी सदस्य तथा कोसी प्रदेश इन्चार्ज शेरधन राई, पार्टीका स्थायी कमिटी सदस्य भानुभक्त ढकाल, कोसी प्रदेशका मुख्यमन्त्री तथा एमाले स्थायी कमिटी सदस्य हिक्मत काकीलगायतले एमालेमा स्वागत गरे ।
