कैलालीमा जुवा खालबाट ११ जना पक्राउ

काठमाडौं । कैलालीमा जुवाको खालबाट ११ जना पक्राउ परेका छन् । गोप्य सूचनाको आधारमा गएराति २ बजे बर्दगोरिया गाउँपालिका–३ स्थित जीवन खत्रीको घरमा छापा हानेर प्रहरीले जुवा खेलिरहेका उनीहरूलाई नियन्त्रणमा लिएको हो ।

पक्राउ पर्नेमा तपेन्द्र खड्का, विनोद अधिकारी, सुरज ओली, तिलकबहादुर बन्तोला, मोहन खत्री, कटक थापा, केशव बुढा, उपेन्द्र सुनार, तारामान कुँवर र लोकबहादुर बिक रहेको जिल्ला प्रहरीका कार्यालय कैलालीका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराले जानकारी दिए ।

उनीहरुको साथबाट तासको गड्डी, ११ थान मोबाइल र ६२ हजार ८५५ रुपैयाँ नगद बरामद गरिएको डीएसपी बोहराले जानकारी दिए ।