बार्सिलोनाले जित्यो सुपर कपको उपाधि

काठमाडौं । रियल मड्रिडलाई हराउँदै बार्सिलोनाले स्पेनिस सुपर कपको उपाधि जितेको छ । आइतबार राति साउदी अरेबियाको किङ अब्दुल्लाह स्पोर्टस् सिटीमा भएको फाइनल खेलमा बार्सिलोनाले रियललाई ५–२ गोल अन्तरले हराउँदै १५औँ पटक उपाधि जितेको हो ।

सुपर कपको उपाधि १५ पटक जित्ने बार्सिलोना एक्लो टोली हो । बार्सिलोना २ पटक सेमिफाइनलबाट बाहिरिदा १२ पटक उपविजेता बनेको छ । रियलले भने १३ पटक उपाधि जित्दा ७ पटक उपविजेतामा सिमिति बनेको छ ।