दमक । झापाको विर्तामोडस्थित एक ग्यारेजमा आगलागी हुँदा तीनवटा बसमा क्षति भएको छ । आगलागीबाट ग्यारेजमा मर्मतका लागि राखिएका तीन वटा बसमा क्षति पुगेको जिल्ला प्रहरी कार्यालय झापाले जनाएको छ ।
बुधबार बिहान साढे १० बजेतिर विर्तामोड–५ स्थित पश्चिम बस स्टेसनजिक रहेको ग्यारेजमा निधि क्याम्पसको मे १ ख ३३४५ नम्बरको बसमा मर्मत गर्ने क्रममा अचानक विद्युत् सर्ट भएर आगलागी भएको बताइएको छ । आगलागीबाट क्याम्पसको बस जलेर नष्ट भएको छ ।
त्यस्तै, सोही ग्यारेजमा बनाउन ल्याइएको मे १ ख२२१५ नम्बरको मातृ भाग्य रेखा बसको अगाडिको भाग र प्र १–०१–००१ख ४१२६ नम्बरको बसको पेन्टिङ जलेर क्षति पुगेको प्रहरीले जनाएको छ । तीनवटा गाडी जल्दा अन्दाजी २१ लाख बराबरको क्षति भएको अनुमान गरिएको छ । बसमा लागेको आगो विर्तामोड नगरपालिकाको दमकल, नेपाल प्रहरी र स्थानीयवासीको सहयोगमा नियन्त्रणमा लिएका ाथिए ।
