काठमाडौं । चर्चित गायिका मेलिना राई आज विवाह बन्धनमा बाँधिदैछिन् । मेलिनाले इलामका धुव्र गुरुङसँग विवाह गर्न लागेकी हुन् । विवाह समारोह काठमाडौंको एक रिसोर्टमा हुँदैछ ।
पेसाले चिकित्सक गुरुङ र गायिका मेलिनाबीच केही दिनअघि काठमाडौंमा ‘इन्गेजमेन्ट’ भएको थियो । मेलिना र धुव्रले छोटो समयको प्रेमपछि विवाह गर्ने निर्णय गरेका हुन् । मेलिना निटक स्रोतका अनुसार मेलिना र धुव्रबीच पहिलोपटक एक सांगीतिक कार्यक्रममा भेट भएको थियो ।
मेलिला राई नेपाली सांगीतिक क्षेत्रकी चर्चित गायिका हुन् । पाश्र्व र आधुनिक गायनमा जम्दै आएकी मेलिनाका सयौँ गीत चर्चित छन् । यसअघि मेलिनाको गिटारिस्ट सञ्जिव बराइलीसँग ‘इन्गेजमेन्ट’ भएको थियो । तर, केही समयपछि नै उनीहरुबीच सम्बन्ध ताडिएको समाचार सार्वजनिक भएको थियो ।
