काठमाडौं । नेपाली फिल्म ‘एक्टर’ आज शुक्रबारदेखि सिनेमा हलमा प्रदर्शनमा आएको छ । निर्माणपक्षका अनुसार यो फिल्म आजदेखि देशभरका करिब ७० वटा सिनेमा हलमा एकसाथ प्रदर्शनमा आएको छ ।
युवा पुस्तालाई लक्षित कथावस्तु समेटिएको यो फिल्मलाई टेलिभिजन पत्रकार मनोहरी थापाले निर्माण गरेका हुन् । यो फिल्मबाट प्रिन्स थापा मगर नायकका रुपमा डेब्यु गरेका छन् ।
विशेष शोहरुमा दर्शकबाट प्रशंसा बटुल्न सफल ‘एक्टर’मा नायक, नायिका नयाँ भएपनि उनीहरुको काम अहिलेका चल्तीका स्थापित कलाकारको भन्दा कम नभएको फिल्मका निर्देशक मदन घिमिरेले बताए ।
फिल्ममा प्रिन्स थापा मगरका आलवा शिवानी गिरि, कशिस दाहाल, निशा केसी भण्डारी, कृष्ण मल्ल, सरोज खनाल, महेन्द्र मैनाली, शिबु शाह लगायतका कलाकारको अभिनय छ । यस फिल्ममा सम्राट थापाको कथा तथा संगीत रहेको छ ।
