पाल्पा । प्रधानमन्त्री केपी ओलीबाट पाल्पा र रूपन्देहीमा उद्घाटन उद्घाटन र शिलान्यास हुने तय भएको कार्यक्रममा उपप्रधानमन्त्रीद्वय प्रकाशमान सिंह र विष्णु पौडेल सहभागी भएका छन् ।
चिकित्सकको सुझावमा शुक्रबार तय भएको कार्यक्रममा प्रधानमन्त्री ओली सहभागी नभएपछि उपप्रधानमन्त्रीद्वय सिंह र पौडेल गएका हुन् । सिद्धबाबा सुरुङमार्गको ब्रेक थ्रु, बुटवल गोरूसिंगे सडकको स्तरोन्नतिको शिलान्यास, पाल्पाको बगनासकाली र तिनाउ गाउँपालिकाका प्रशासकीय भवनको उद्घाटन उपप्रधानमन्त्रीद्वयले गर्दैैछन् ।
प्रधानमन्त्री ओली मंगलबार बेलुकीदेखि अस्वस्थ छन् । उनको स्वर भासिएको सचिवालयले जनाएको छ । चिकित्सकहरूको सुझावमा प्रधानमन्त्री ओली बालुवाटारमै आराम गर्नेछन् । त्यसैले चिकित्सकहरूको सुझावमा प्रधानमन्त्री ओलीले पाल्पा र रूपन्देही जाने कार्यक्रमलाई स्थगित गरेका हुन् । यसअघि यी कार्यक्रममा प्रधानमन्त्री ओली सहभागी हुने प्रधानमन्त्रीको सचिवालयले सार्वजनिक गरेको थियो ।
कार्यक्रममा सहभागी नभएपनि प्रधानमन्त्री प्रधानमन्त्री ओली पाल्पा र बुटवलका कार्यक्रममा भर्चुअल रूपमा सहभागी रहने सचिवालय स्रोतले जनाएको छ ।
