काठमाडौं । प्रेस सेन्टर नेपालको कोशी प्रदेश अध्यक्षमा राजन राई निर्वाचित भएका छन् । विराटनगरमा भएको तेस्रो अधिवेशनमा राईले ४१ मत प्राप्त गर्दै अध्यक्ष निर्वाचित भएका हुन् ।
उनका निकटतम प्रतिस्पर्धी नवराज कट्टेलले ३६ मत प्राप्त गरे । यसअघि प्रदेश उपाध्यक्ष रहेका राईले कट्टेललाई ५ मतान्तरले पछि पार्दै जत हासिल गरेका हुन् ।
वरिष्ठ उपाध्यक्षमा सुजन तिमिल्सिना, महिला उपाध्यक्षमा सुजता लिम्बू, समावेशी उपाध्यक्षमा सेसेहाङ लावती, महासचिवमा गोकुल पराजुली, सचिवमा ईश्वर थापा, डिकेश लामा, बिनु तिम्सिना, सत्यनारायण शर्मा र कोषाअध्यक्ष झुलन रेग्मी निर्विरोध चयन भएका छन् ।
सदस्यहरुमा हरि अधिकारी, बाबुराम मुडियारी, पवन साह, मनिता राई, अनिता रसाइली, मोतीराम रसाइली, प्रवीण बानियाँ, भीमकुमार चेम्जोङ, आईपी भट्टराई, नवीन सुनाम र दीपक अधिकारी निर्विरोध भए ।
