बाढीले बुढिगंगा थुनियो, स्थानीयलाई सचेत हुन आग्रह

बाजुरा, १३ साउन । बुढिगंगा नगरपालिका नजिकै रहेको गुईगाड खोलामा बाढी आउँदा बुढिगंगा नदी थुनिएको छ । गईगाड खोलाको बहाव बढेपछि बुढिगंगा नदी ७५ प्रतिशत जति थुनिएको स्थानीय भरत बुढाले बताए ।
नदी थुनिन थालेपछि त्यहाँका स्थानीय त्रसित बनेका छन । बुढिगंगा नदी थुनिएर ताप्रिसेरा बगरमा तालमा परिणत भएको जिल्ला प्रहरी कार्यालय बाजुराका प्रहरी निरीक्षक दानबहादुर रोकायाले बताए । बुढिगंगा थुनिएसँगै अछामसम्म असर पर्ने भएको छ । अछामको साफेँबगरसम्म स्थानीयलाई सचेत रहन जिल्ला प्रहरी कार्यालय बाजुराले आग्रह गरेको छ ।